2012年12月23日 星期日

【技藝101】縛。掃帚



掃帚之鄉西勢村 老人守護傳統
在彰化的西勢村,原本整村都在做掃帚,但是在進口廉價品衝擊之下,現在只剩下一些老人家還守著這個傳統產業,雖然掃帚看起來不怎麼起眼,不過製作過程卻是非常辛苦,要怎麼綁出好用的掃帚呢?我們來看看這個掃帚的故鄉

編輯 / 余榮宗、黃能揚、李江却台語文教基金會 陳豐惠 劉承賢

Tshit-thô縛哪會艱苦
Tshit-thô pa̍k ná ē kan-khóo.

掃帚是一種honnh吉祥ê物件,伊會掃千災,honnh,啊納百祥
Sàu-tshiú sī tsi̍t tsióng honnh kiat-siông ê mi̍h-kiānn, i ē sàu tshian tsai, honnh, ah la̍p pik-siông.

王血
阮老母創予我甲截尾,啊到尾--à來才較大漢才家己縛,17、8歲縛甲這馬70幾歲--looh,逐日嘛咧縛
Gún lāu-bú tshòng hōo guá kah tsiat-bé, ah kàu bué--à lâi tsiah khah tuā-hàn tsiah ka-kī pa̍k, tsa̍p-tshit-peh huè pa̍k kah tsit-má tshit-tsa̍p kuí huè--looh, ta̍k-ji̍t mā teh pa̍k.

佇大埕ê一角仔,50幾年來,王血阿媽就是按呢將一枝一枝ê掃帚縛--出-來,雖然伊上歲頭--ah,跤手仝款猶誠猛掠(mé-lia̍h),因為加縛一枝--出-來,就是加一份收入
Tī tuā-tiânn ê tsi̍t-kak-á, gōo-tsa̍p kuí nî lâi, Ông Hueh a-má tsiū sī án-ne tsiong tsi̍t ki tsi̍t ki ê sàu-tshiú pa̍k--tshut-lâi, sui-jiân i tsiūnn-huè-thâu--ah, kha-tshiú kāng-khuán iáu tsiânn mé-lia̍h, in-uī ke pa̍k tsi̍t ki--tshut-lâi, tō sī ke tsi̍t hūn siu-ji̍p.


王血
阮tsia有人較gâu縛,一工縛咧兩百外枝105804縛來--直直痀--去你無看--見。Uân-ná誠艱苦呢,啊to腰痠疼,uân-nā會忝--喔,啊uân-nā著趕緊才有錢通趁,這縛枝--ê呢
Gún tsia ū lâng khah gâu pa̍k, tsi̍t kang pa̍k leh nn̄g pah guā ki. Pa̍k--lâi ti̍t-ti̍t ku--khì lí bô khuàinn. Uân-ná tsiânn kan-khóo neh, ah to io sng-thiànn, uân-nā ē thiám--ooh, ah uân-nā tio̍h kuánn-kín tsiah ū tsînn thang thàn, tse pa̍k ki--ê neh.

佇4、50年代,彰化西勢村,家家戶戶毋是種掃帚草、縛掃帚,無,就是賣掃帚,成品除了載去附近ê埠頭好賣,嘛銷甲全台灣,西勢ê掃帚久耐koh好掃,所擺人kā伊號做『掃帚故鄉』
Tī sì-gōo-tsa̍p nî-tāi, Tsiong-huà Sai-sè-tshuan, ka-ka-hōo-hōo m̄-sī tsìng sàu-tshiú-tsháu, pa̍k sàu-tshiú, bô, tō sī bē sàu-tshiú, sîng-phín tû-liáu tsài khì hù-kīn ê poo-thâu hó bē, mā siau kah tsuân-Tâi-uân, Sai-sè ê sàu-tshiú kiú-nāi koh hó sàu, sóo-pái lâng kā i hō-tsò ‘sàu-tshiú kòo-hiong’.

註:
埠頭:鄉鎮、市鎮。
久耐:用足久嘛袂歹。
所擺:所以

步驟

陳琬美
農村社會honnh逐家大埕誠有,厝前大埕攏真闊,啊攏用掃帚來掃honnh真好用。所以阮彼陣阮ê庄,會使講有10戶有8戶9戶攏咧種掃帚縛掃帚賣掃帚
Lông-tshuan siā-huē honnh ta̍k-ke tuā-tiânn tsiânn ū, tshù-tsîng tuā-tiânn lóng tsin khuah, ah lóng iōng sàu-tshiú lâi sàu honnh tsin hó-īng. Sóo-í gún hit-tsūn gún ê tsng, ē-sái kóng ū tsa̍p hōo ū peh hōo káu hōo lóng leh tsìng sàu-tshiú, pa̍k sàu-tshiú, bē sàu-tshiú.

作品

路邊咧賣--ê逐款式ê掃帚,這馬差不多攏是越南進口--ê,拚俗價ê結果,予阿媽縛ê掃帚,除了捌貨ê老客戶,已經沓沓仔失去市場, in嘛直直huah講欲退休--ah
Lōo-pinn teh bē--ê ta̍k-khuán-sit ê sàu-tshiú, tsit-má tsha-put-to lóng sī Ua̍t-lâm tsìn-kháu--ê, piànn sio̍k-kè ê kiat-kó, hōo a-má pa̍k ê sàu-tshiú, tû-liáu bat-huè ê lāu-kheh-hōo, í-king ta̍uh-ta̍uh-á sit-khì tshī-tiûnn, in mā ti̍t-ti̍t huah kóng beh thè-hiu--ah.

鄔幼枝
Tsia一空嘛仝款(He定定會hioh?)定嘛會割--著,算咱咧修--mah,啊無張持會凡勢去huê--著
Tsia tsi̍t khang mā kâng-khuán. (He tiānn-tiānn ē hioh?) Tiānn mā ē kuah--tio̍h, sǹg lán leh siu--mah, ah bô-tiunn-tî ē huān-sè khì huê--tio̍h.

欲退休looh啦,縛這無效啦
Beh thè-hiu--looh lah, pa̍k tse bô-hāu lah.

王血
少年--ê逐家去工場嘛無愛縛,這馬tsia-ê老--ê若死了就無--looh,無人縛--looh
Siàu-liân--ê ta̍k-ke khì kang-tiûnn mā bô-ài pa̍k, tsit-má tsia-ê lāu--ê nā sí liáu tō bô--looh, bô lâng pa̍k--looh.

Tann村--裡猶原有十戶咧縛手工ê掃帚,自按呢掃帚故鄉ê名號(miâ-hō)閣thang維持,無想欲予傳統ê手藝對生活中消失,阿媽in手--裡欲縛予絚--ê毋nā是掃帚,嘛是一段一段屬於你我ê共同記持
Tann tshun--ni̍h iû-guân ū tsa̍p hōo teh pa̍k tshiú-kang ê sàu-tshiú, tsū-án-ne sàu-tshiú kòo-hiong ê miâ-hō koh thang î-tshî, bô siūnn-beh hōo thuân-thóng ê tshiú-gē tuì sing-ua̍h-tiong siau-sit, a-má in tshiú--ni̍h beh pa̍k hōo ân--ê, m̄-nā sī sàu-tshiú, mā sī tsi̍t tuānn tsi̍t tuānn sio̍k-î lí guá ê kiōng-tông kì-tî.

記者 余榮宗 彰化報導(Kì-tsiá Î Îng-tsong Tsiong-huà pò-tō.)

12 則留言:

  1. Actually, you need to understand the fact that Cinema HD was a remake of the old and most popular movie app “HD Cinema APK”. After the renovation to the old UI and things such as search engine working process for the user search queries, and navigation, developers of the app have changed it’s name to Cinema APK.
    cinema hd for firestick

    回覆刪除
  2. When it comes to movie app, there is one app that strikes in mind and that is cinema apk. download cinema hd on android, firestick or windows pc and get the best movie watching experience.

    回覆刪除
  3. The app keep on changing their name from one to another. Like cyberflix is a new version of terrrarium tv. Have you download latest cyberflix apk on android. You are going to love that.

    回覆刪除
  4. our products features a stylish aesthetic,complimentary with any outdoor setting,outdoor furniture umbrella cover manufacturer designed to keep yourclothing, patio furniture clean and ultimate in protection...

    回覆刪除
  5. tyflex plus techgara with technology developed like this today, the machines have been able to work well to show many of our human jobs.

    回覆刪除
  6. Great post in your blog. it very informative for us. Thanks for share this.
    download igoal

    回覆刪除
  7. The information shared is very interesting, thank you. Download a variety of fonts for those who are passionate about editing and editing, press Hindi fonts Yofonts

    回覆刪除
  8. This video I watched on social network yo whatsapp at https://yowaplus.net

    回覆刪除
  9. 谢谢你的好文章。 如果你想下载 game android hay miễn phí 那么你可以参考我建议的地址。

    回覆刪除
  10. Hey There. I found your blog using msn. This is an extremely well written article.

    回覆刪除
  11. I will be sure to bookmark it and return to read more of your useful information. Thanks for the post.

    回覆刪除
  12. 作者已經移除這則留言。

    回覆刪除