在安靜的石碇小鎮,有一間百年打鐵老店,打鐵師傅葉德茂是第三代,雖然店頭不大,不過附近鄉鎮農民都會來找他製作需要的工具。觀光遊客來到這個山城遊玩,往往會被這熟悉的打鐵聲吸引,循著節奏,彷彿走進時光隧道。(發佈日期:2012-06-20,發佈者: PNNPTS)
諺語:一字入公門,九牛拖袂出。
Tsi̍t jī ji̍p kong-mn̂g, káu gû thua bē tshut.
這句諺語意思是講:訴訟ê文書真慎重,若寫- -落,就oh得改。毋過,這條新聞煞有這款一个案件出兩份判決書,而且欲撤去一份ê情形,對tsia咱thang知,法院嘛是人咧扞- -ê,koh-khah按怎斟酌、細膩,嘛是袂免得會失覺察、脫箠。
※ 漢字 / 羅馬字對照及諺語詳解:http://pnn.pts.org.tw/main/?p=44516
※ 本單元由公共電視及李江却台語文教基金會合作製作。歡迎大家 link 做非營利使用
編輯 / 黃能揚、李江却台語文教基金會 陳豐惠 劉承賢
標題:法院作業脫箠 一件妨礙自由判兩回
Huat-īnn tsok-gia̍p thut-tshuê, tsi̍t kiānn hông-gāi tsū-iû phuànn nn̄g huê.
(華語)法院作業疏失 妨礙自由案一案兩判
標題:稅厝交繚相告 兩份判決書起花kô
Suè-tshù kau-liâu sio-kò, nn̄g hūn phuànn-kuat-su khí-hue-kô.
(華語)租賃糾紛告上法院 同一案2判決書?
註解:
交繚 (kau-liâu):tsia是「糾紛」ê意思。
花kô (hue-kô):「混亂」。
標題:書記官.檢察官.法院 攏看無周至
Su-kì-kuann, kiám-tshat-kuann, huat-īnn, lóng khuànn bô tsiu-tsì.
(華語)書記官.檢座.法院 一路疏失鬧烏龍
這塊佇台中市中港路黃金地段的土地
Tsit tè tī Tâi-tiong-tshī Tiong-káng-lōo n̂g-kim tē-tuānn ê thóo-tē
兩爿攏是真麗倒的厝
Nn̄g-pîng lóng-sī tsin lè-táu ê tshù
地主因為佮承租戶的租約糾紛
Tē-tsú in-uī kap sing-tsoo-hōo ê tsoo-iok kiù-hun
去予姓柯的承租戶
Khì hōo sènn Kua ê sing-tsoo-hōo
以妨礙自由告到法院去
Í hóng-gāi tsū-iû kò kàu Huat-īnn- -khì
被告的地主不服一審的判決上訴
Pī-kò ê tē-tsú put-ho̍k it-sím ê phuànn-kuat siōng-sòo
無想到四十工了後
Bô siūnn-kàu sì-tsa̍p kang liáu-āu
仝一个案件
Kāng tsi̍t-ê àn-kiānn
煞收著完全無仝款的判決書
Suah siu-tio̍h uân-tsuân bô-kāng-khuán ê phuànn-kuat-su
地主 廖金水
(第一擺)判決結果
(Tē-it pái)phuànn-kuat kiat-kó
罰五千到六千塊
Hua̍t goo-tshing kàu la̍k-tshing khoo
第二擺(判決)阮看著閣較愣去
Tē-jī pái(phuànn-kuat)guán khuànn- -tio̍h koh-khah gāng- -khì
哪會變做
Ná-ē piàn-tsò
罰兩萬箍 拘役20工(換算的結果)
Hua̍t nn̄g-bān khoo, khu-i̍k jī-tsa̍p kang(uānn-sǹg ê kiat-kó)
哪會「司法像月娘,初一十五無仝樣」
Ná-ē “Su-huat tshiūnn gue̍h-niû, tshe-it tsa̍p-gōo bô-kāng-iūnn”
這个一案判兩擺的譀古
Tsit-ê tsi̍t àn phuànn nn̄g-pái ê hàm-kóo
問題就出佇姓高的女書記官
Būn-tê tsiū tshut tī sènn Ko ê lú su-kì-kuann
文書作業的疏忽
Bûn-su tsok-gia̍p ê soo-hut
袂記得kā移審的資料
Bē-kì-tit kā î-sím ê tsu-liāu
輸入電腦內底
Su-ji̍p tiān-náu lāi-té
仝一案件送兩擺
Kâng tsi̍t àn-kiānn sàng nn̄g-pái
姓林的承辦檢察官嘛無發見
Sènn Lîm ê sîng-pān kiám-tshat-kuann mā bô huat-kiàn
造成檢方向法院重覆起訴
Tsō-sîng kiám-hong hiòng Huat-īnn tiōng-ho̍k khí-sòo
因為前一个案已經結案
In-uī tsîng tsi̍t-ê àn í-king kiat-àn
台中地方法院嘛無發見檢方送兩擺
Tâi-tiong Tē-hng Huat-īnn mā bô huat-kiàn kiám-hong sàng nn̄g-pái
院檢對造成民眾的不安表示坐毋著
Īnn Kiám tuì tsō-sîng bîn-tsiòng ê put-an piáu-sī tshē m̄-tio̍h
台中地檢襄閱主任檢察官 吳祚延
資料輸入的時陣
Tsu-liāu su-ji̍p ê sî-tsūn
(書記官)袂記得kā已經送審的資料
(su-kì-kuann)bē-kì-tit kā í-king sàng-sím ê tsu-liāu
Key-in到電腦內底
Khí-ín kàu tiān-náu lāi-té
致使管制上出現落差
Tì-sú kuán-tsè siōng tshut-hiān lo̍h-tsha
按呢的失覺察
Án-ne ê sit-kak-tshat
造成當事人不便
Tsō-sîng tong-sū-jîn put-piān
實在真失禮
Si̍t-tsāi tsin sit-lé
台中地院襄閱庭長 林三元
佇前案記錄
Tī tsîng àn kì-lo̍k
無查清楚
Bô tshâ tshing-tshó
致使仝一案
Tì-sú kâng tsi̍t àn
做兩擺判決
Tsò nn̄g-pái phuànn-kuat
當事人名聲的受損
Tong-sū-jîn miâ-siann ê siū-sńg
也影響著司法的威信
Iā íng-hióng tio̍h su-huat ê ui-sìn
對這部分
Tuì tsit pōo-hūn
本院表示真對不住
Pún īnn piáu-sī tsin tuì-put-tsū
一个案判兩擺
Tsit-ê àn phuànn nn̄g-pái
台中地方法院表示
Tâi-tiong Tē-hng Huat-īnn piáu-sī
第二擺判決是違法判決
Tē-jī pái phuànn-kuat sī uî-huat phuànn-kuat
會kā伊撤銷
Ē kā i thiat-siau
犯錯的檢察官佮書記官
Huān-tshò ê kiám-tshat-kuann kap su-kì-kuann
嘛照相關的規定來處分
Mā tsiàu siong-kuan ê kui-tīng lâi tshú-hun
毋過對仝一个妨礙自由的案件
M̄-koh tuì kāng tsi̍t-ê hóng-gāi tsū-iû ê àn-kiānn
六千箍的罰金佮拘役20工的判決
La̍k-tshing khoo ê hua̍t-kim kap khu-i̍k jī-tsa̍p kang ê phuànn-kuat
有影差大碼
Ū-iánn tsha tuā-bé
嘛莫怪被告會質疑
Mā bo̍k-kuài pī-kò ē tsit-gî
法院的判決標準到底是按怎
Huat-īnn ê phuànn-kuat phiau-tsún tàu-té sī án-tsuánn
Thanks for sharing, nice post! Post really provice useful information!
回覆刪除Anthaison chuyên cung cấp sản phẩm cho giấc ngủ bé yêu ngủ ngon: http://bit.ly/2Athdgb, http://bit.ly/2BimWBI TS cho bé, máy đưa võng giá rẻ http://bit.ly/2DQFBJA, giá máy đưa võng https://bit.ly/2IZjxPT, võng điện https://bit.ly/2x0OWMS cho bé
I want to always read your blogs. I love them Are you also searching for nursing dissertation writing services? we are the best solution for you. We are best known for delivering Nursing dissertation writing services to students without having to break the bank
回覆刪除