公視【節氣好生活】4/30中晝播出小暑.大暑

第一个單元欲介紹「小暑」，順紲欲了解「小暑」佇台南當著時的食物—蓮子：

熱天的時，蓮花大開，作田人佇厚刺的蓮花田裡軁過來軁過去，將蓮苞（pôo）剪落來，提蓮子出來，這號景緻佇台南白河四界攏是，若這个時陣通食一碗仔蓮子湯，有影退涼止喙焦，好食無地比。

佇台南市區，猶原有一陣少年人，in為著小農佮環境生態，拍拚咧實踐烏托邦的幸福夢想。

第二个單元是「大暑」 澎湖海膽：

逐冬的5月佮6月是開放掠海膽的時間，海女簡單的傢私紮咧，藏入去海裡將一粒一粒的海膽收起來，對討海人來講，海是in的世界，嘛是in生活的向望的所在。

佇馬公，有一个老師tshuā學生咧做海洋生態的研究，落尾煞做一間生態冊店出來，伊真心向望澎湖海洋的寶藏會用得永續發展。

4月30日中晝12:30，公視(13台)，歡迎準時收看。

「節氣好生活」自3月26日開始，每禮拜六中晝12點半到1點播出，總共有12集。