2013年4月29日 星期一

【技藝101】做。籠床



高雄有一條竹器街,不管是柴桶,或是籠床,市民哪有需要,都會找到這遮,這裡有一個師傅經驗真特別,伊是台灣出世,因為跟後叔去中國大陸,兩岸分開了後長期留在中國,解嚴後回到台灣,伊ma將傳統福州做籠床技術帶回來,現在孫子也傳承了這項技術,公孫倆做伙,為這項傳統工藝努力打拼,得到真濟顧客歡迎,食頭攏做袂離。

做 籠床(Tsò lâng-sn̂g)

鐵仔的honnh,炊起來袂收水。
Thih-á--ê honnh, tshue--khí-lâi bē siu-tsuí.
無放假的喔,一年365工逐天攏愛做。
Bô pàng-ká--ê őo, tsi̍t-nî sann-pah la̍k-tsa̍p-gōo kang ta̍k-kang lóng ài tsò.

佇高雄的竹器街,有一位籠床師傅的經歷真特別,七歲綴福州後叔到中國,後--來國共內戰,不得已留佇當地,就開始做籠床的日子,一直到五十年後,才轉來故鄉。
Tī Ko-hiông ê tik-khì ke, ū tsi̍t-ūi lâng-sn̂g sai-hū ê king-li̍k tsin tik-pia̍t, tshit-huè tuè Hok-tsiu āu-tsik kàu Tiong-kok, āu--lâi Kok Kiōng lāi-tsiàn, put-tik-í lâu tī tong-tē, tō khai-sí tsò lâng-sn̂g ê ji̍t-tsí, it-ti̍t kàu gōo-tsa̍p nî āu, tsiah tńg-lâi kòo-hiong.

去大陸12歲 我就開始綴這个後爸仔 去做籠床啦。
Khì Tāi-lio̍k tsa̍p-jī huè guá tō khai-sí tuè tsit-ê āu-pē-á khì tsò lâng-sn̂g--lah.

我本身台灣人,我毋是大陸人,啊想故鄉啊,愛閣轉來啊。
Guá pún-sin Tâi-uân-lâng, guá m̄-sī Tāi-lio̍k-lâng, ah siūnn kòo-hiong--ā, ài koh tńg--lâi-ā.

回鄉了後的黃先化,仝款做籠床過生活,伊遵守福州技術,工序複雜毋過絕對無偷工減料,伊講,按呢炊出來的物件,才會當來保留原始的氣味。
Huê-hiong liáu-āu ê N̂g Sian-huà, kâng-khuán tsò lâng-sn̂g kuè-sing-ua̍h, i tsun-siú Hok-tsiu ki-su̍t, kang-sū ho̍k-tsa̍p m̄-koh tsua̍t-tuì bô thau-kang kiám-liāu, i kóng, án-ne tshue--tshut-lâi ê mi̍h-kiānn, tsiah ē-tàng lâi pó-liû guân-sí ê khì-bī.

步驟

若用這孟宗竹做就好,較耐高溫啊,較袂爛。
Nā īng tse Bīng-tsong-tik tsò tō hó, khah nāi ko-un--ā, khah bē nuā.

成品

侯阿忠
伊做的籠床足堅固,伊袂因為小可挵著,抑是炊一站仔就會離離落落,籠床嘛是看師傅。
I tsò ê lâng-sn̂g tsiok kian-kòo, i bē in-uī sió-khuá lòng--tio̍h, iah-sī tshue--tsi̍t-tsām-á tō ē li-li-lak-lak, lâng-sn̂g mā-sī khuànn sai-hū.

黃先化的籠床得著肯定,訂單嘛愈來愈濟,佇台北食頭路的孫仔就轉來鬥跤手,毋過過程中猶是會有淡薄仔袂拄好。
N̂g Sian-huà ê lâng-sn̂g tit-tio̍h khíng-tīng, tiānn-tuann mā jú-lâi-jú tsē, tī Tâi-pak tsia̍h-thâu-lōo ê sun-á tō tńg-lâi tàu-kha-tshiú, m̄-koh kuè-tîng tiong iáu-sī ē ū tām-po̍h-á bē tú-hó.

黃重慶
我tsit-má有改過矣,伊拄仔開始一直袂接受啦。
Guá tsit-má ū kái--kuè-ah, i tú-á khai-sí it-ti̍t bē tsiap-siū--lah.

伊會嫌講按呢做袂使,嫌東嫌西,我講哪有袂使,我做的籠床嘛無賣比你較差啊。
I ē hiâm kóng án-ne tsò bē-sái, hiâm-tang-hiâm-sai, guá kóng ná-ū bē-sái, guá tsò ê lâng-sn̂g mā bô bē pí lí khah tsha--ā.

黃先化
伊也有孝啦。伊定定共逐家講阮阿公老人,較袂做啦,啊我來替伊做。
I ā iú-hàu--lah. I tiānn-tiānn kā ta̍k-ke kóng guan a-kong lāu-lâng, khah bē tsò--lah, ah guá lâi thè i tsò.

阿公負責剖竹仔、編織,孫仔專注佇組合,公孫仔沓沓仔揣出適應的方式,面對現代產品的競爭,in兩人相信,只要用心,竹仔籠床永遠袂消失
A-kong hū-tsik phuà tik-á, pian-tsit, sun-á tsuan-tsù tī tsoo-ha̍p, kong-sun-á ta̍uh-ta̍uh-á tshuē-tshut sik-ìng ê hong-sik, bīn-tuì hiān-tāi sán-phín ê kīng-tsing, in nn̄g lâng siong-sìn, tsí-iàu iōng-sim, kang-hu hó, tik-á lâng-sn̂g íng-uán bē siau-sit.

黃先化
攏嘛愛這種的,天然的物件做起來的
Lóng mā ài tsit-tsióng--ê, thian-jiân ê mi̍h-kiānn tsò--khí-lâi-ê.

我佇遮做遮久,攏做袂離。
Guá tī tsia tsò tsiah kú, lóng tsò bē-lī.

黃重慶
有這「一步取」honnh,阿公無愛做,我就共接手落來做,就是講後擺欲食啥穿啥攏免煩惱就著矣。
Ū tse tsi̍t-pōo-tshú honnh, a-kong bô-ài tsò, guá tō kā tsiap-tshiú lo̍h-lâi tsò, tō-sī kóng āu-pái beh tsia̍h siánn tshīng siánn lóng bián huân-ló tō tio̍h--ah.

余榮宗 高雄報導

2 則留言:

  1. cách làm kem dưỡng da từ sữa tươiCho phần thịt nha đam vào máy xay hoặc cối giã. Đồng thời cho vitamin, dầu dừa (tỉ lệ ½ với nha đam) rồi xay nhuyễn.
    cách làm kem dưỡng da từ nha đamDùng dao để tách lớp vỏ ngoài nha đam, các bạn nhờ là chỉ lấy phần thịt nha đam bên trong thôi nhé. Tránh dính lớp nhựa và vỏ xanh ngoài cùng dễ gây dị ứng.
    cách làm kem dưỡng da từ bí đaoTrước hết bạn hãy rửa tay thật sạch với xà bông diệt khuẩn.
    cách làm kem dưỡng trắng da từ thiên nhiênĐối với làn da, nha đam có thể giúp làm sạch mụn, se khít lỗ chân lông, dưỡng trắng da nè. Còn với tóc, nha đam sẽ giúp tóc bạn khỏe và mượt mà hơn đó nha.
    cách làm kem dưỡng da từ mật ongThông thường, bạn chỉ cần dùng nha đam tươi, hết hợp với một số nguyên liệu khác là đã có thể làm đẹp rồi đó.
    cách làm kem dưỡng da bằng sáp ongLàm trắng da từ mướp nghe có vẻ lạ nhưng đó là sự thật, quả mướp có chứa rất nhiều dưỡng chất tốt cho da mặt, đặt biệt là công dụng làm trắng và sáng da.
    cách làm kem dưỡng da ban đêm từ thiên nhiênChanh là một loại quả không chỉ giàu vitamin C, tốt cho sức khỏe mà nó có công dụng làm đẹp.
    cách làm kem dưỡng da từ sáp ongTheo các chuyên gia về sức khỏe và làm đẹp thì việc đắp mặt nạ bằng sữa chua có đường không gây ảnh hưởng đến làn da của chị em phụ nữ tuy nhiên nó không tốt bằng sữa chua không đường
    cách làm kem dưỡng da từ lô hộiNhư chúng ta đã biết thì chanh là một nguyên liệu có khả năng làm đẹp rất tuyệt vời.
    cách làm kem dưỡng da từ nghệKiên trì làm và đắp mặt nạ củ đậu thường xuyên sẽ cải thiện làn da ngả màu của bạn một cách an toàn và hiệu quả.
    cách làm kem dưỡng da bằng nha đamBạn cần chọn những củ đậu tươi và không bị phao, vì loại đậu này có nhiều nước rất tốt đối với việc chăm sóc da.

    回覆刪除